Beneficios da práctica de ioga

Na práctica do Ioga trabállase en conxunto para estirar e fortalecer o corpo, aprender a respirar conscientemente, calmar os pensamentos, calmar as emocións e harmonizar a enerxía interna.

• Mellora a respiración. Unha respiración profunda, ampla, silenciosa e consciente que nos axuda a relaxar e interiorizar.
• Axúdanos a reducir os niveis de cortisol (a hormona relacionada co estrés), que pode provocar cambios de humor, aumento da presión arterial, insomnio, problemas dixestivos, aumento dos niveis de azucre e colesterol.
  Imaxina os efectos do estrés durante un longo período de tempo… e como practicar Ioga dáche a posibilidade de regularte internamente, aprendendo diferentes técnicas de respiración e relaxación para reducir os niveis de estrés e ansiedade.
• Aumenta a flexibilidade. Axúdache a previr as lesións e a dor causada pola tensión e as malas posturas.
• Mellora o equilibrio e a coordinación.
• Fortalece os músculos e ósos, corrixe as malas posturas e estimula a propiocepción.
• Equilibra o sistema nervioso, favorecendo a relaxación, a concentración e a atención.
• É un exercicio de baixo risco.
• Aumenta a confianza.